Kusoo Dhawaaw Wasaaradda Isgaarsiinta & Teknoolojiyada

Soomaaliya oo ka qeybgaleysa Shirweynaha Midowga Boostada Adduunka

09 Aug

Soomaaliya oo ka qeybgaleysa Shirweynaha Midowga Boostada Adduunka

Wasiirka Isgaarsiinta iyo Teknoolojiyada, Md. Cabdi Sheekh Axmed, ayaa ka qeybgalaya Shirweynaha Midowga Boostada Adduunka oo ka furmay caasimadda dalka Ivory Cost ee Abidjan.

Shirweynahan oo sanadkii hore u baaqday cudurka coronavirus awgiis, waxaa looga doodayaa arrimo badan oo khuseeya boostada adduunka, waxaana ugu weyn doorashada Agaasimaha Guud ee Midowga Boostada Adduunka iyo guddiyada ugu sarreeya midowga, kuwaas oo howgali doona afarta sano ee soo socota.

Furitaanka shirka, wasiirku waxay kulan gaar ah yeesheen Agaasimaha xilka wareejinaya ee UPU, Md Bishaar Xuseen oo ururka madax ka ahaa sagaalkii sano ee la soo dhaafay, isagoo uga mahadceliyay kaalintii uu ka geystay soo-nooleynta Boostada Soomaaliya iyo inay soo ceshato xubinnimadeedii.

Soomaaliya ayaa soo ceshatay xubinnimada buuxda ee UPU sanadkii 2019-kii, waxayna tani noqoneysaa doorashadii ugu horreysay ee madaxda wasaaraddu ka qeybgalaan tan iyo burburkii dalka ka dhacay.