Wasiirka Isgaarsiinta iyo Teknoolojiyada Xildhibaan Maxamed Soomaali oo ka qeybgalay Shirweynaha Hawada Sare ee Talyaaniga iyo Afrika.

𝗥𝗼𝗺𝗲 – 𝗜𝘁𝗮𝗹𝘆, 𝟭𝟱 𝗟𝘂𝘂𝗹𝘆𝗼, 𝟮𝟬𝟮𝟰: — Wasiirka Isgaarsiinta iyo Teknoolojiyada 𝗫𝗶𝗹𝗱𝗵𝗶𝗯𝗮𝗮𝗻 𝗠𝗮𝘅𝗮𝗺𝗲𝗱 𝗔𝗮𝗱𝗮𝗻 𝗠𝗮𝗰𝗮𝗹𝗶𝗻 𝗖𝗮𝗹𝗶 (𝗦𝗼𝗼𝗺𝗮𝗮𝗹𝗶) ayaa Magaalada Rooma ee Wadanka Talyaaniga uga qeybgalay Shirweynaha Hawada Sare ee Talyaaniga iyo Afrika oo sanadkaan looga hadlay xoojinta iyo Iskaashiga Dhanka waxbarashada Teknoolojiyada hawada sare iyo cilmi-baarista la xiriirta, waxaana Daahfuray 𝗔𝗻𝘁𝗼𝗻𝗶𝗼 𝗧𝗮𝗷𝗮𝗻𝗶 Ra’iisul Wasaare ku xigeenka ahna Wasiirka Arrimaha Dibadda iyo Iskaashiga Caalamiga ee Talyaaniga.

𝗦𝗵𝗶𝗿𝘄𝗲𝘆𝗻𝗮𝗵𝗮𝗮𝗻 waxaa ka qeybgalaya Wasiirada Isgaarsiinta ee Wadamada Afrika, Madaxa Wakaalada hawada sare ee Talyaaniga, Madaxda Shirkadaha ka shaqeeya Teknolojiyada iyo Hoggaanka Wakaaladaha hawada sare ee wadamada Afrika. waxaana soo agaasimay Shirka Wakaalada hawada sare ee Talyaaniga ee loo yaqaano (ASI) iyo Wasaaradda Arimaha Dibadda ee Talyaaniga.

Wasiirka Isgaarsiinta iyo Teknoolojiyada 𝗫𝗶𝗹𝗱𝗵𝗶𝗯𝗮𝗮𝗻 𝗠𝗮𝘅𝗮𝗺𝗲𝗱 𝗦𝗼𝗼𝗺𝗮𝗮𝗹𝗶 oo khudbad dhinacyo badan taabaneyso ka jeediyey Shirka ayaa soo dhaweeyey Iskaashigaan si gaar ah Qorshayaasha lagu hormarinayo isticmaalaalka Teknoolojiyada hawada sare si loo hormariyo Arimaha Waxbarashada, Caafimaadka, Beeraha, biyaha iyo Tamarta. Kaabayaasha Hey’adaha Hawada Sare iyo Tababarada.

“Fursdaaan waxa ay noo tahay guul kale in Aqoonta Hawada Sare anaga oo adeegsaneyno Teknolojiyada in aan ka faa’iideesano si loo hormariyo adeegyada ay u baahanyihiin Bulshada Soomaaliyeed” …..ayuu yiri Wasiir Maxamed Soomaali.

Shirka Hawada Sare ee Talyaaniga iyo Afrika waxa uu yimid kadib Shir-madaxeedka Talyaaniga iyo Afrika oo la qabtay Sanadkaan bishii Janaayo ayna ka soo qeybgaleen 46 Madax-xukuumadeed oo ka socday Afrika, Madaxda dowladda Talyaaniga, Wasiiro, wakiilo ka socda Midowga Afrika, Midowga Yurub, iyo Ku-xigeenka Xoghayaha Guud ee Qaramada Midoobay Ujeedkiisana waxa uu ahaa xoojinta Xiriirka Talyaaniga iyo Afrika.

……………………..

Wixii Faah-faahin ah kala xiriir

Abdirahman Mohamed Ali “Diini”

Xafiiska Warbaahinta & Xiriirka Dadweynaha

Wasaaradda Isgaarsiinta & Teknolojiyada.

Muqdisho, Soomaaliya

media@moct.gov.so

Twitter:

@MoctSomalia